阿航傍住陸小鳳 27/04/2025 葉楚航馬房今日賽事只派兩駒上陣，分別是第2場「陸小鳳」及第3場「戀愛狂」，論爭勝機會一啲都唔失禮，「陸小鳳」得到潘頓垂青，試大閘有走勢有睇頭，前速飛快，畀埋個1檔佢，絕對有能力一出即勝。「戀愛狂」剛戰1200米後上不及拚入位置，增程出擊部署正面，戰意鮮明，呢一口馬房孖寶諗得過。 陸小鳳、葉楚航 昨晨航哥亦顯露出搏殺動靜，7時30分，上述兩駒內圈踱步加課，練者專登從烽火台踩車到機坪隧道口檢視，操畢後再返馬房閘口迎接，全程跟到貼緊張到痹，話唔係搏殺都無人信。