連連好運求勝心切 匡公 06/10/2026 有人7天長假未收科，電車相遇中年漢，相機掛頸長短火，馬場工作常見有，社區群眾如貔貅，罕見人物話題留，報檔阿姐聞我說，大驚小怪笑老叟，廿一世紀錢勿留，行得走得去旅遊，聖誕打算去東歐，12月份恐補賽，工作消費香港留。「連連好運」泥閘見好即收，未贏信會寸土必爭。 「連連好運」艾道拿試完大閘再親跳見重視。 開季跑過8回合，其中3趟在谷中，5位騎練長勝軍，華洋單位2對1，巫師、鵬志對嘉柏，講到氣場食住上，呢期我吼文家良，周中筍盤曾介紹，「繼往開來」凱歌奏，「朗日自強」提供有，掌門行年69，祝賀即將拜大壽，凱旋門前好精神，勇馬求功食住上。 兩駒介紹這周中，初出表現第6名，「連連好運」開鑼日，128磅配布文，8月從化泥閘見，不過不失是觀感，正式上陣採快跟，遇着碰撞屬不幸。單位今期玩熱身，9月22朝沙田，1200米泥閘艾道拿，5檔6 5 3走位，最後百米好即收，自然難瞞老叟；上季6月跑馬地，布文22倍放頭，「捷足奔馳」強中手，亞軍第2我貨收，父系「加官進爵」贏打吡，最低班次唔早贏，冇臉嗰位係阿頭，10元打氣齊研究，寸土必爭信格鬥。 潘哥跑完周日就飛走，服侍「嘉應高昇」澳洲試大閘，巨額獎金珠峰戰，真係冇乜強對手，綵排後匆趕回，周中坐騎只貴精，起程前最心掛，「志滿同行」無疑問，10月3日星期六，到場只替半哩，步開有致勇喼住，9月9日晚首戰，外父咁外12檔，早段切入冇執輸，追番三甲冇第2，9月例課草與泥，要求攬住欲敵誅，工序跟足我關注！