海洋帝君勁度增強 匡公 30/06/2026 探子來話，香港馬主協會，宏揚獻捐善財，最近某個晚上，搞場足球比賽，純粹友誼性質，參加樂助善款，多多善益，小小唔拘，拉叔、田哥有份落場，紅衫代表，贏咗比賽。 泰安赤膊，腹肌6舊，波衫交換，踢足全場，氣力體能，旁人羨恨，呢季成績，四哥爭緊，師兄姓周，步步逼近，友好馬房，必須支持，煞科日近，這個回合，拍住桂神，「威利金箭」回歸爭盃，欣然列陣，加盟福特，三甲兩勻，都係C欄，未勝原因，賽後報告，兩番碰撞，失咗步韻，來港之前，1400米路程，得過亞軍，「金牌活力」類似安排，添功掛印，唔想碰撞，裝香拜神，捧盃歡欣。 還有「海洋帝君」，上回介紹，外父咁外，檔位不利，78倍冷品，末段衝冚，唔失禮人，6月23日，沙田泥閘1200米，後上凌厲，勁度增強，周日考驗，最後一課，矚目十分，2檔呢勻，信仍搏梗，推介多勻！