紅錢到墜手起勁 兆文 22/12/2025 「紅錢到」助手跳兩段，墜手起勁火氣有增無減，馬身脹卜卜，走勢急勁，近況勇銳。 「紅錢到」 「遙遙領先」副練跳兩段，推騎交出好反應，神生步爽，打仔格長期省鏡。 「輕功猛男」 「星幻」助手跳一段，比起過往放鬆，毛色愈見深潤，進度轉好。 「駟跑得」 輕功猛男外觀靚 「輕功猛男」助手跳兩段，快慢由人，完全無晒昔日稚嫩感，外觀又省鏡。 「鈁糖武士」助手跳兩段，精神飽滿展現暗火，走勢硬朗有力，重新振作。 「瑞祺威楓」助手跳3段，重口改不了，但走勢暢順好多，毛色悅目烏卒卒。 「安康萬里」副練跳兩段，終點前推騎立即加速，步勁神態好，有進冇退。 「旺旺昇叻」助手跳兩段，豎尾走但冇分心，可惜力度仲係差啲，不過不失。 「英雄豪邁」助手跳兩段，平穩走過而已，神色淡，火氣亦唔夠。 「決一劍」助手跳兩段，前腳一向出得直，神態對辦，身夠輕力充足。 「川河動駒」助手跳兩段，急口馬慣例捉到實，色潤身壯，出腳夠整齊。 「仁者荃承」助手跳3段，較遲才轉腳且好大動作，之後更一直伸頸借力。 駟跑得老當益壯 「駟跑得」助手跳兩段，跳得起勁愈走愈快，火力充裕，老當益壯。 周六出跳馬方面，「快樂寶寶」助手跳兩段，暗火湧現要緊韁捉實，神態活潑，正值勇境。「駿馬之寶」助手跳兩段，馬頭一貫岳高，勁度極之充裕，身壯毛色靚，依然勇猛。 「大數據」助手拍「各絲各法」跳兩段，展步流暢神態暢旺，皮光肉滑馬身紮實，確認去番最佳時。 「三強」助手跳兩段，步頭急勁，狀態比上仗贏馬時更好。「志醒大將」助手跳兩段，收身結實出腳有力，進步顯著。