震撼人心乖巧出腳整齊 兆文 01/07/2026 昨朝只有「賢者威楓」到大圈出試，由助手慢跳一段，急口馬緊韁扣實，馬身喼得靚，落腳夠輕巧。以下是心水推介： 第2場「知恩圖報」大前仗及前仗金誠剛留住追跑近，上仗易配梁家俊，卻走去搶放半程搶口，吸取教訓後，今戰重用金誠剛，預期守好位留番住衝，賽前跳兩課表現俱佳，尤其係剛周日進行試跑，前腳檻得闊，後腳推動力強，前所未見咁弗！ 第6場「震撼人心」同主養在蔡廐之馬，好似「魅力寶駒」及「有目共賞」等大多早熟兼成績好，「震撼人心」絕對值得期待，論馬台型甚佳，試閘雖次次留後唔畀你睇，實則幾乖巧出腳亦整齊，質新馬初出跑田草1200米排1檔有利，可望有一鳴驚人演出。 第7場「幸運糖」自從主攻短途表現出色，最近一連4仗入位，上仗僅輸短頭位雖敗猶榮，今次對手唔算強勁，而且比上仗孭少3磅，條件極之有利，巫偉傑馬房近期手風更順到不得了，「幸運糖」贏番場冇問題。