電路七號後追唔輸蝕 長風 14/05/2024 今次第6場四班1000米，本來中低班賽事跑到最短途，有速度擺在前，先天上已經有着數，一來谷草1000米有彎位回氣，前領馬已經上風；二來中低班場合，馬匹實力不算高強，要後發先至就更難。不過，細心察看這場賽事後，又有不同睇法。就跑法上，「運來勇士」、「令才」及「開心馬」都係慣性放頭，而實際上，此3駒在對上一仗，亦係以放頭跑法爭勝，而且取得不俗成績，因此表面睇，實在看不出馬匹有改變跑法的必要，但3匹放頭馬濟濟一堂，加上有兩匹排10檔及12檔，實在不難想像會出現怎樣的場面，因此，不如一博後勁強橫的「電路七號」。 「電路七號」（左）4勝谷1000米。 「電路七號」轉投巫偉傑馬房後未幾已打開勝門，而路程就正正是谷草1000米，跑法上則是留守中間再追趕。今次既然有形勢配合，而此駒排8檔亦不算差，只要步速夠快，馬群自然會被拉散，要切入再追趕，難度亦自然較低。其實此駒上仗出爭同程，名次第9是毫不起眼，但實際上直路於外疊追趕收復了不少失地，人馬再臨，當然值得一敲。