天福泥地可出頭 蔡俊佳 19/04/2026 經常聽到人到中年心態變，45歲的布文、43歲潘頓及42歲莫雷拉是目前香港馬壇騎師界3大命脈，無人會知道他們會否跑到入五，始終運動員生涯有限，但放諸四海的確不乏跑到五、六十歲甚至更年長的高手，早排大家越洋轉播睇過南非杜美爾父親富志昌復出，身手仍然勇猛，就算戴圖理在退休前一樣技藝精湛。 香港這3位目前定位不同，莫雷拉是主帥身份，下季去向都要一眾柏廐馬主睇辦，現階段鬥志鮮明。反而捧兩位澳將則要祈求自己搭上順風車，剛周三眾人皆見跑道大利前置，連一向立油後上的「勇霸龍」，布文都懂得大力推騎上前，反觀同場潘頓「賢者威楓」有咁後拖咁後，是否真的有你冇我？ 姚本輝季尾階段有袁幸堯加盟，部署更見靈活，但暫時捧小妹場仍傾向策前置馬。第8場「天福」抵港在賀賢8戰未勝，1月氣管多血落敗轉至姚廐，今午復出跑泥地。查「天福」在澳洲兩戰而贏馬正於百肯南膠沙地1200米，早於未轉倉前已勝泥閘。賽前艾兆禮試兩課泥閘分別負於廐侶「扶搖勢勁」及加眼罩的「綠野飛馳」，走勢討好。雙妹在陣場合必有正常步速，「天福」今次配艾兆禮排1檔可望守好位，做回澳洲贏馬時一樣跑法，有力出頭。 第9場姚廐「超輕鬆」同樣唔用徒弟，改配鬥後勁硬淨師兄周俊樂。愛爾蘭兩捷1400米，抵港後3戰初出已有腳影，再出擺前走不合。上場居中衝落唔勁，似乎未到時候在一哩爭功。小休縮回1400米，賽前從化兩大閘加面箍，埋門1400米草地大閘走勢超輕鬆，準備就緒。