創寶駒展示真本領 蔡俊佳 12/04/2026 雷神回歸大家好像度過了一個Happy Wednesday，熱門客滿載而歸，冷門客用其作膽亦都或有收穫。其他騎師亦非全失蹤，起碼兩大高手潘頓及布文都有頭馬，不過大家都是贏熱門，又是否大家心中杯茶？無可否認，你說方仔谷起一批馬等主帥也好，但莫雷拉出真功夫時的確賞心悅目，就算「滿心星」跑第2名，見他緊韁令馬兒擔必走但又不會造成搶口，最後只輸在對手布文走位太機警。 「創寶駒」（左）上仗慢閘追回第5名。 神回歸慶幸有金剛圈罩住，否則以公司騎師身份自由選擇坐騎，其他弱勢騎師更難搵食。艾道拿今季12W成績大跌Watt，與告東尼蜜月期不再，今次7匹坐騎中，第3場「金鑽精靈」及第4場「創寶駒」均是我經常追捧馬匹，可惜仍欠點運氣未勝。尤其「創寶駒」初出力追不及，之後兩場均排外檔，上場初跑1400米更出閘大脫腳，但居然仍可追回第5名，負於頭馬個半馬位，底牌盡揭。復課主要跳一段為主，並無針對性教閘，即上次慢閘可能偶一為之。已一再展示能力，相信不少騎師對其虎視眈眈，艾道拿要好好把握機會，否則遲早肥水再流別人田。 雷神跑馬最煞食招數當然是守前置食胡位，第9場「川河帥駒」正合其跑法。上季在沈廐一出即勝，之後只取一席亞軍。今季加盟方仔只出賽2次，上場布文跑完全無飛，結果居中而返。復課就像剛周三的一批廐侶，回足氣試好閘等主帥，從化出試兩閘走勢非常輕鬆，明顯朝氣復現，再看全組放頭馬不多，當可主動爭先，若多一兩匹上前遮擋就更理想，形勢十分有利，值得期待。