陳冠生：蔡約翰捨難取易 桃花心搶分跑國際賽 26/10/2014 「桃花心」馬主穩健團體首次養馬便取得美滿成績，經理人之一嘅陳冠生表示感到喜出望外，同時希望「桃花心」可以攞到足夠分數，向12月嘅國際賽進發。 桃花心 他說：「我哋團體一共有五人，除咗我同董滿輝之外，其餘三位拍檔鄺有成、梁耀林及梁炳釗都係首次養馬，而『桃花心』只係我哋夾份用9萬紐元買入，價錢相當之相宜，依家匹馬已經累積獎金超過400萬元，回晒本之餘仲有錢賺，認真好運，實在要感謝蔡約翰馬房上下嘅努力。『桃花心』上場負重磅兼排14檔，依然輕鬆一放到底，贏得相當之精彩，本來我哋研究過可報跑今日二級賽沙田錦標，但最後蔡約翰決定揀呢場二班1600米，確保可以順利出賽。莫雷拉對『桃花心』非常之着緊，佢睇好此駒仲有上升空間，而且亦大讚呢匹馬跑法非常彈性，既然上次排14檔都贏到，今次排10檔亦毋須擔心。希望今戰可再下一城，攞夠分然後報跑下月馬會盃，爭取12月國際賽入場券。」 陳冠生