譚校長財神駕到 20/05/2015 譚詠麟同陳百祥一向都老友鬼鬼，但今晚佢哋兩個竟然會打對台，究竟咩原因呢？咪就係頭場譚校長有份嘅萬眾一心團體名下馬「財神駕到」，同埋阿叻自己嗰匹「莫己若」又再同場較量囉！ 如果講氣勢，就似乎係「財神駕到」犀利啲，事關喺3月18日嗰晚嘅五班谷草1650米，呢匹馬就贏「莫己若」六個幾馬位跑第一，今晚繼續跑番相同路程兼且排埋1檔，而後駒就抽檔不利排11位，牌面形勢似乎就係好啲，譚校長再贏多一次阿叻都唔出奇。 不過，就算叻哥喺頭場下風少少都唔使唔開心，事關佢名下另一駒「如虎添翼」就會出戰第六場法國賽馬會盃，如果順利贏馬捧盃，同時兩個老友一人贏一場，咪皆大歡喜囉！