丁志強：換雷神！ 20/12/2016 下周二（12月27日）沙田日賽報名已公布，明星馬「巴基之星」將會出戰1400米新馬錦標，呢場只得七駒報名，由於係一場三歲馬條件限制賽，就算現評91分的「巴基之星」，比起近兩戰全勝之「海翡翠」高11分，但均負126磅上陣，可見「巴基之星」着數到不得了。 「巴基之星」在港5戰獲2冠2亞，全由蔡明紹執韁。 蔡明紹太錫「星仔」 不過，馬迷更加想知「巴基之星」究竟會唔會換人出擊？馬主丁志強向本報記者表示，佢覺得蔡明紹真係太錫「巴基之星」，所以決定換人一試。咁邊個咁幸運，得到「巴基之星」帥印？咪就係莫雷拉囉！丁生就話呢場新馬錦標極大機會由雷神執韁，但仲要等告東尼回覆，先至知最後結果。 莫雷拉 而《東方》記者亦有問過雷神，佢嘅答覆就係：「If he said，that have to be true。」（如果馬主咁講，就應該係真）。咁下周二嘅聖誕賽事，大家真係要睇吓「巴基之星」用雷神會跑成點喇！ 「巴基之星」馬主 丁志強