獎門人揀啱時辰同你講扎西德勒!
09/12/2018

萬眾期待嘅香港國際賽,有10匹自購馬選擇喺今日初試啼聲,當中包括澳洲昆士蘭打吡冠軍「達龍駒」與南澳洲打吡盟主「喜蓮騏星」喺第六場二班1600米同場比併,亦有傳聞身價逾千萬,富豪潘蘇通太太劉健明名下首匹愛駒「大運當頭」出戰第九場二班1200米。至於蕭氏家族則有「百獸王」與「黃金甲」兩匹新兵登場。
曾志偉
馬名藏族問候語

不過,雖然賽績不及上述幾位身價極高嘅自購馬,但尾場出自丁冠豪馬房嘅「扎西德勒」,單係馬名已經夠晒特別,再加埋馬主有趣愉快團體成員之一就係獎門人曾志偉,足以搶盡風頭。先講吓「扎西德勒」,如果大家有去過西藏,就一定聽過,事關扎西德勒就係常用嘅藏族問候語,表示歡迎、祝福吉祥嘅意思。聽丁冠豪講,其實佢唔傾向安排啲質新馬只試一次閘就上陣,但既然馬主想喺今日出賽,佢又覺得「扎西德勒」試閘幾肯追馬,所以不妨一試。呢隻馬原來由曾經喺澳門養馬一段時間嘅黎振昌引入,丁仔對其質素有一定信心,睇吓能否幫獎門人志偉哥喺一眾外賓面前一出即勝啦!
「扎西德勒」