梁柏濤正本賀牛一 11/09/2019 重溫好夢呢啲嘢，梗係個個都想啦，好似前溫拿樂隊經理人梁柏濤，自己有份嘅好時代團體馬「正本雄心」，舊年就喺佢正日牛一嘅9月12日落飛得手贏馬，當晚佢就搵埋一班老友包括電台主持車淑梅一齊拉頭馬，呢啲咁開心嘅場面，梁生當然想可一又可再。 前溫拿樂隊經理人 梁柏濤 正本開心照辦煮碗 今晚跑馬地開鑼戰，亦即係梁柏濤生日前夕嘅9月11日，佢決心嚟一招雙龍出海，派晒兩匹自己有份嘅團體馬「正本雄心」、「正本開心」一齊攻堅，戰意爆燈。其實早喺羅富全馬房拜神嗰日，梁生早已講明想派愛駒再次喺生日前爭頭馬，而羅廐嘅「正本開心」亦有幸運之神眷顧，喺第六場四班1200米抽1檔起步，加上本身上季亦係一出即勝，隨時照辦煮碗；至於去年功臣「正本雄心」埋門連續四課拍跳，工夫積極到暈，亦有機會食尾胡，不能忽視。 「正本開心」配合同主馬搶攻。