巫偉傑發財慶生日 27/09/2026 開倉已有3年幾嘅巫偉傑（Cody），每季成績都有進步，上季更取得48W排喺練馬師榜第7位，到咗今季巫廐更銳不可當，跑咗5次賽事都有進帳，夾埋拎咗5W暫居練馬師榜首位，認真犀利。嚟到今日賽事，聽日就係練者49歲牛一，相信一定想用頭馬提早慶祝生日之餘，亦保持馬房今季期期例贏嘅佳績。 巫偉傑 睇番今期巫廐出馬9匹，「快樂老撾」挾新勝之勢而臨，隨時好似啱啱禮拜三嘅廐侶「將義」取得季內第2W。 周俊樂 另外，第4場轉倉初出嘅「常嚐發財」亦有機會幫練者省招牌兼成為賀壽馬。呢匹5歲澳洲PPG上季一度轉跑泥地短途都係得個近字，季尾重返田草1000及1200米愈跑愈差，結果轉投巫廐。Cody接手後操練循序漸進，月初從化試1000米草閘有追勢，今次復出配周俊樂跑贏馬路程直路賽1000米，再加上呢隻馬近兩季初出得1冠1亞，擺明擅跑新鮮，今回可望轉倉即贏兼為練者送上生日禮物。 「常嚐發財」上季初在沙田草直路賽，打開勝門。