今季升做大師傅嘅陳嘉熙，季內已有11場頭馬，成績比上季好，表現明顯有進步。不過，尋日沙田賽事，佢卻突然因為私人理由退下火線，自然惹起唔少猜測，但佢亦立即於自己社交平台澄清自己並非確診新冠肺炎，只係有私人事要處理，同埋周三可以上陣。

咁究竟係咩私人事呢？原來陳嘉熙女友尋日臨盆在即，因為嘉熙自然要喺醫院陪伴，而佢女友亦於尋晚順利為佢誕下男B，母子平安，陳嘉熙亦有立即將囝囝相片上載咗自己社交平台，同大家報平安，而佢亦透過我地《東網》馬經記者多謝大家嘅關心，亦透露已幫囝囝改名叫做Theo，而中文名就未改。

至於周三賽事，陳嘉熙暫時卜定「團結精神」、「你知我勝」、「駿爵士」及「氣宇軒航」4駒，且看能否取得好成績。