文家良馬房鎮倉寶「金鑽貴人」剛周日(30日)攻下主席短途獎，此駒亦都係至「活力先生」、「喜勁寶」同埋「精英大師」之後第4匹香港短途佳駟可以贏晒3關速度系列賽事，實屬難能可貴，加上「金鑽貴人」現時只是4歲，當然仍有上升空間。

文家良早前曾為「金鑽貴人」報跑6月4日喺東京競馬場舉行嘅安田紀念賽，不過練者一再表示都係要跑埋主席短途獎先可以有最終決定。如今「金鑽貴人」贏馬，自然有唔少馬迷都好想知「金鑽貴人」會否遠征。而今早(5月2日)文家良喺晨課中表示，「金鑽貴人」賽後返回馬房後食料唔算太好，加上1600米路程仍有疑問，綜合各方面因素之後，決定棄戰安田紀念賽。

至於「金鑽貴人」的最佳拍檔潘頓日前曾經同傳媒表示，希望呢匹短途好手可以遠闖珠峰錦標，而10月1日日本中山競馬場亦會舉行短途馬錦標，睇吓「金鑽貴人」抖夠之後，幕後會點安排佢嘅部署啦！