首飾天空四班大超級 匡公 05/02/2025 恭喜發財迎春花，福至靈蛇財到家，谷中新正開戰嘞，寒涼冷鋒在華夏，新月公園人稀疏，9時之前，只樹影婆娑，報檔阿姐，叫聲匡哥，在30年前，呢個招呼，感覺貼妥，如今春秋，怕冷老叟，眷戀被竇，紅紙一張，吹水（手豆）（手豆），銀行門口，有米街坊，向我招手，細問潘哥，因何未敢，快閃外遊？草坪飲貴酒，安全樂悠悠，智慧確一流，新春時分贏馬有喜冇憂愁。 「首飾天空」上仗編班初出即輕勝谷草1200米。 第3場四班1200米，春寒停雨削，初八的晚上，仍然會有低溫，14度徘徊，體魄利洋人，老江湖布文，順利替添食，蔡神梗歡欣，「首飾天空」3歲馬在四班係大超級，孭重磅逞能，憑過去經驗，能力仍刺針，贏後返從化，草閘1200米，更有頭有尾，上次谷草A欄，1月8日晚，見大利衝冚，啱晒佢嘅跑法。 第6場四班1800米，扒冷吼質新，因演出陌生，回報高笑吟，3歲「妙算奇勝」沙田熱身後，1月20日從化1600米草閘，留前鬥後，追勢兇狠，轉場路程敢增，血統查查底蘊，父系「一錘定音」，「灌木叢」子嗣有氣量，鬥心強，飛到便馬到，電算機留神，咪當過路人。 第7場三班1000米，潘哥昭告天下，下周六澳洲行，東南亞多流感，唔閃遊最安心，「英雄豪邁」未肯放手帥印，12檔留力末段展開衝冚，換到好賠率，富全哥英明，交差兼笑吟，估馬仔開心。 太陽勇士鬥志唔呃人 第8場三班1650米，小友發牙痕，八卦剝花生，梁師兄搏失，潘冠軍接手，零舍騎肉緊，係乜嘢原因？摩擦見對陣，華將想氣爭，恐怕得罪人，基於此，「太陽勇士」今晚交帥印，潘冠軍必定全力以赴，鬥志唔會呃人，聽落幾過癮。