一定掂負輕好好衝 長風 22/02/2025 第9場三班1400米很有可能係無甚步速，負輕磅兼竄勁不俗的「一定掂」有權施襲。由於慣性放頭馬欠奉，會搶不外乎「巴閉哥」，但此駒以往都係跟前居多，只不過上仗放頭跑而已，而且今次要負135磅，相信就算搶出，也不會放得快，畢竟負重磅體力消耗亦較大。 「一定掂」上仗初升三班，出爭1400米由幾近包尾追回第4名，但季內跑同程，試過走位2 5 6 2入Q，而跑田草1600米亦曾經試過走位2 3 3 2獲亞，因此跑法上較具彈性，今次只負121磅，相信鬥衝會較上風。其實查看此駒賽績，發現季內採用不同跑法之下，馬匹亦恆常性交出不俗衝刺，季內7次上陣，其中有3仗交出22秒2、22秒3及22秒6的衝刺，換言之馬匹就算衝一段，亦有不俗的變速力去應付。 另外補充一點，就係「一定掂」本身只係1079磅，體形不算魁梧之下，負輕磅當然較好衝，蔡明紹首次接手排1檔，值得一博。