非凡時刻腳法嫺熟 匡公 22/04/2025 有米街坊遇見話，穀雨節氣腦昏昏，低壓槽影響精神，公車上落唔小心，疑似揩碰年輕人，旁觀相勸非鬥狠，年紀一把點惡騰？「非凡時刻」最後拍跳腳法嫺熟，3月14日朝贏谷閘1200米備戰無缺陷，有買趁手可執金。 「非凡時刻」贏完谷閘贏泥閘備戰積極。 匡公健步如飛有殺氣，周中客軍多嘉賓，挑燈睇中邊路人？騎師爭王會有份？《東方》讀者喜發問，話題落筆倍認真，個人得失唔要緊，米飯班主贏彩金，工作崗位才穩陣，博君一笑樂繽紛。 正所謂年少冇風濕，連場博殺喜執勤，喜歡宏聲赤子心，冷熱都肯寸土爭，6匹坐騎多精品，優先場兩件要告稟，看台睇動態，肉緊年輕人，上周六及昨晨，兩朝我留心。探子手機說，沈總唔見人，閃遊有可能，小病難起身，畢竟非鐵打，團隊有秩序，馬靚不重身。周六朝6時46分，小霍到場接手操，「荷花之星」正有上述觀感，叔父功課也睇中，午間電話功課發問，早前4月11日從化草閘1000米，過程是否有好感？馬會網站我留神，明綸師兄坐鞍踭沉，9駒1 2 2走位確然吸引，周中本季添勝倘夢真，一票支持打氣做忠粉。 周一昨晨6時16分，宏聲開工最後過手感，「非凡時刻」安排最後拍跳，廖家新軍罕有甚，貼欄引領「林寶精神」評52分，直路電算機路段外側越過希威森，腳法嫺熟難瞞觀操友朋，記得3月14日朝，谷閘1200米首名備戰無缺陷。