三代同心彈閘有番火 匡公 23/04/2025 周二沙田恢復泥閘4組，睇完鬆人往火炭站步行，上天橋經過科技中心，《東方》讀者相遇嗌早晨，透露「加州動員」被「打劫」，聽咗馬名幾乎被嚇親，定一定神企定好奇問，原來指賠率閘前急跌，並非真係遇上賊仔劫，想知今晚跑西洋會盃，東尼外公搏殺是否腸熱？問題來得好，回家功課做，上屆4月10日，「亞機拉」、「美麗歡聲」及「顏色大皇」，攻堅有料到，我信今趟可胡數，追捧確係一條財路。 「三代同心」（左）季內在谷草1200米5度入位。 第1場五班1200米，「三代同心」上季3月尾A欄建功在谷草，當時1檔起步，季內3亞2季軍尚未胡數。1月後鳴金收兵養體力不糊塗。以往12檔串Q上名見做得到，小鍾彈彈小泥閘磨刀霍霍有番火，19日朝後課期整調，今次潘哥坐騎唔快腳，決跟家俊師兄切入二疊報捷。 竣誠駒體格紮實 第2場五班1800米，「竣誠駒」3月至今體重偏高，演出麻麻絕對啱數，周一馬會公布38磅脂肪搣掉，贏馬曾見1176磅，呢回1156磅體格紮實並唔算尖小，阿湯中長途留放東尼外公心放，4月20日朝快跳火氣回旺，大力催谷寸土再爭。 第7場三班1200米，「佛亮老撾」綵衣過往同屬大摩馬王，「增有」及「紅海勁」血系同伙冇乜理由唔懂贏馬「士哥」？近仗谷草3勻艾道拿駁火，後上串Q，新敗快跟，比對跑法，有人做錯，潘哥鞍坐，3檔遮擋奪魁大賀，外公笑呵，冠軍相惜，互惠互利唔使感激。 第9場三班1800米，「快路」自從普新掛帥效力，1冠2亞軍好成績，4月2日晚未能夠添食，發揮過程，現場有見，早段搶口，影響奔走，今仗捲土重來，補中將錢袋。