獵寶勤靚到冇朋友 匡公 29/04/2025 保安老哥《東方》讀者，報檔相遇笑容冇咗，問吓原來我都呆咗，呢位朋友，買「大浪圖田」20倍冇W收，又冇拖拉叔頭馬怪獸「共享富裕」，但係心底都讚，布文狠鬥，演出優秀。「獵寶勤」昨晨所見步頭爽朗，最近泥閘更係應聲快出，以態論態，靚到冇朋友。 「獵寶勤」昨晨快跳步頭爽朗態甚弗。 「紅運帝王」上屆冠軍一哩賽亞軍，往績近況絕對唔愧羞，「遨遊氣泡」上屆黏路只保三甲季尾體力唔係咁有，只好寄望遮打盃長途三冠尾關能失地復收。星期一上午有股怪雨蒞臨香江，天文台開聲指明響珠江口，10時30分左右，灣畔行走冇帶遮，雖可避雨仍淋頭，中午時候陽光有，周二回航有神舟，我們祖國底氣夠。 神仙開工未敢穿短袖，昨晨亮相5時未夠，呢個時候出操次序係「有財有勢」、「波爾多」以及「獵寶勤」各交助手單騎奔走，基哥高聲提示「獵寶勤」不斬樓蘭誓不還，立即舉鏡望真鞍上人的確(手豆)實曲起手，爽朗步頭叔父口水也流，連問最近安排泥閘，匡公閣下有有意留？嗰朝鞍上正是敬愛頂流布文，胯下應聲快出，中段略收，直路再追，呢勻狀態論，靚到冇朋友。 布文昨朝有開工，6時45分「巴閉哥」侍候，呂掌門晚上為外孫擺滿月酒，烽火亭開工如常笑笑口，多位亭內華洋掌門恭喜握握手，呢個時候，探子話，嘉柏先生舉鏡跑道正畫搜，原來「仁心星」也由助手試足3段快走，3月尾敗後小休，4月8日布文沙田1000米草閘5 5 2走位跟貼「喜尊龍」新勝勇貨把刀磨，「卓越蒨鋒」一族，谷草把敵再收拾。