綫路光驊加眼罩特醒 匡公 04/05/2025 星期五晚尖東回家，港鐵站內人流稍疏，《東方》讀者無處不在，入口又遇上咗，招呼打過有咁發問，高班馬減中班增多，平衡之法將會如何？要畀時間應對善妥，然後述說皇太后紀念盃，第三班係例爆賽果，四五班次會否「延禍」？一時三刻問題複雜，應承賽日版，紙上再牙磨。的確如此，2022年季度，71倍「波爾多」竟可第三班1200米串Q成功咗，上年69倍「東方飛影」第2名買中收益多，特別推介下列3場，希望有收穫。 「綫路光驊」上月中戴眼罩試泥閘1200米後上輕勝。 第2場五班1200米，低班場合容易出冷有前科，精心部署師傅，介紹吼肥文哥，5歲「綫路光驊」同父包括高分擅短途「精算暴雪」，本季跑入三甲一席，取得在10月，30倍1200米125磅幾乎得咗臉珠可啜，最近4月17日朝泥閘功課，眼罩戴咗，末段可穿插而上，表現好醒目，架生可令炮響。 第3場四班1200米，再賀威哥去年5月11日掌珠出閣，皇太后紀念盃日華將贏咗「好勁力」兆頭唔錯，正是「東方飛影」69倍串Q縮程，當年呂掌門練馬稱冠確認，重重喜事好心情，今日「龍之光」對奧爾民嘉獎有醒，同主「龍之輝」啱啱26倍興師，潘哥「真心傳奇」串Q搭鵲橋，65分「龍之光」本季起步3月30日61分14倍敢偷營，1200米4 5 4走位，試準係明紹師兄，買！ 正極布文好緊張 第5場三班1200米，「跨境寶馬」熱過辣雞未必穩勝，皆因內閃傾向存在排10檔，性賦慢開，可能會「衰」畀沈集成，3歲「正極」10個回合戰海外，在2024年10月1400米建功，跟住三甲上名在蘭域大場二級賽，蕭家軍綵衣運來港，布文好緊張，3替試大閘一手綵排，有草有泥，跟而不鬥，揸住帥印，唔肯放手，必定有計謀，朋友，要吼！