魅影戈飛四平八穩 長風 07/06/2025 第10場三班1200米，可以話係高手過招嘅格局，既有連勝兩仗的「營造組裝」及「小鳥天堂」，亦有嶄露頭角，前景光明的「魅影戈飛」，計及各方面條件，還是稍為看好「魅影戈飛」的機會。「營造組裝」兩捷所勝對手都硬淨，不過要孭到135磅，自然有阻力；至於「小鳥天堂」連贏兩仗採用截然不同跑法，肯定仍有上升空間，不過初跑三班，或許要點時間適應。 相反，「魅影戈飛」條件則較為四平八穩，此駒上仗首次挑戰三班，就係欠點經驗下以短頭位負於「龍之輝」入Q，今次捲土重來，有過三班步速經驗，自然更覺穩健。其實「魅影戈飛」初出入Q及翌仗跑殿軍，都係採取留前鬥後戰略，但前仗初配艾兆禮，排12檔卻採取跟前跑法，結果不但成功打開勝門，而且更大炒對手近3個馬位，反映馬匹學習得相當快。來到今次，賽前有埋大閘打磨，加上只負123磅，條件瓣瓣向好之下，絕對夠撼。