劍無情賀銘年送行馬 匡公 13/07/2025 遇上笑容燦爛嘅《東方》讀者，雨過天青在火炭站，東鐵車廂型新凍冷，車尾9時過後人閒，沙田收爐戰可閒談，提問可有路捉馬揀？自然敬覆在賽日版，案頭資料在最近3季，潘頓、田泰安皆勝，大場煞科蔡神仙，奪冠搏殺不斷鍊，明紹師兄慶生辰35歲，去年起孖見笑甜，本季7月12日，美夢欲溫在今天，上述數據兌現，周三夜戰仍相見，祝君好運場場收錢。 第2場五班1400米，人間有情，東尼外公喜法式韁繩，賀銘年騎「劍無情」在1檔起步鬥A欄，馬群後面塞難散，此駒海外一戰即贏1300米，父系出過贏全明星一哩賽，出閘守好位，送行馬水到渠成，希望我猜正。 第4場四班1400米，「十二神將」上仗再上名，鞍上係明紹師兄，從化操練見，步頭喼貫勁，偉賢找合作，季內曾兩勝，賀壽禮玉成，組內論近績，誰能可比併？ 第9場三班1600米，蕭家「米奇」布文胯下曾經贏同程，打吡應屆盟主「百賀飛駒」，也要拱手稱臣，勝役在第三班，知悉約翰先生，7月1日縮程，換湯普新半冷門發難，快步速追第2，近績唔係簡單，今日強項負134磅，12月贏馬亦孭重磅已習慣，沙田機坪踱步，周五視線遠眺，也感蹄姿彈彈，小湯贏馬送行，有心約翰先生。 第11場三班1400米，老蔡「泰泰精神」睇番7月1日，艾道拿贏馬時間，1分21秒91唔慢，上大人加6分升班，輕磅適合好手，呢個時候駁火，神童蔡明紹接手排7檔，4歲比上仗孭少12磅，新勝走位可依樣葫蘆，7月1日贏馬5 5 4 1走內疊，潘哥大熱門未必穩，三寶贏兩關，睇好神仙倉。