精明勇駿減磅打硬仗
匡公
16/07/2025
街坊數位貪口爽,錦繡江山跑馬地,匡公放假抖吓氣,在家閒時撚兩味,9月開鑼睇《東方》,押韻吟噚笑嘻嘻,新講騎練搏甩髀,周二偷閒當假期,快活谷中央樂園,晨光空氣吸進鼻,人間福地床早起,東山晴時西山雨,兩個出口可雨避,煞科兩回下季冇,沙田7月12日,2026年誌記,最後功課早預備,有舊有新,期盼報喜,離場笑微,宵夜嘞喂。
「精明勇駿」(左)大前仗谷草四班1200米跑季軍。
第1場五班1200米,7歲「精明勇駿」實而不華也健康,季內頭馬未上榜,然而3月19日晚,谷草B欄17倍,第四班1檔,小楊打戰巷,3 3 3走位,面對「電源之駒」及「好節拍」唔失禮。今晚路合,操得好身壯,建功上季評38分重磅,2檔華將,這回配小黃減輕負磅,6檔適中,我博老狼。
建測羣英弗到爆
第7場三班1650米,6歲「建測羣英」希斯陣營,食胡時候,擅長跟放,上季4捷,馬齡形容,踏入本季,人類譬喻,變中年漢,最近3仗,谷草B欄,威森胯下,迭攻不防,求勝渴望,使乜嘢講?從化最近,泥閘觀看,約束慢放,角力情況,弗爆好樣,師兄姓周,奉召坐鞍上季3勝,合拍幫忙,其中一回,排在10檔,也是B欄,刺針綿藏,希斯掌門,冠軍冇望,贏埋呢隻,備戰過程,絕不收藏,博博冷,信一票,又何妨?
第9場三班1200米,3歲「超寫意」血統望望,「祝願」一族,最近攞獎,沾光同時,血統馬性,可以即勝,輝哥賀壽,搏失「準輝煌」,禮物欲自奉,我信未收「糠」,從化3試大閘,跑入2冠1亞,1200米時間快,進度難收藏,澳洲元旦戰,2025年,勝出後等來港,子彈上鎗膛!