川河型駒強項出招 長風 19/09/2025 執筆時又有風暴殺到，不過按理周五就會登陸，馬照跑機會當然高，但場地受影響亦不奇。根據對上兩季資料顯示，都係第2次日賽跑兩場泥地1200米，之後第3次日賽就跑兩場泥地一哩，今季安排亦一樣。上季第3次日賽時，天氣亦曾起變化，而兩場泥地一哩就係濕慢泥地上過招，結果「歡樂老撾」走位4 5 5勝出，而「堅有利」則走位7 8 4奏凱，總結一句，就係不要留得太後。 「川河型駒」上季配金誠剛曾贏泥地一哩。 來到今次賽事，第4場四班1650米泥地，能跟能鬥的首推游廐的「川河型駒」，此駒上季中開始納入正軌，接連多次泥地都跑得接近，而出爭濕泥地的兩仗，更獲冠季各一。值得留意的，係此駒出爭1200米一役留得較後，但跟住改爭一哩的時候，由於賽事前速減慢，因此馬匹就可以採取跟前守好位戰略，而且直路愈騎愈有，輕鬆以個多馬位取勝而回。 來到今季，「川河型駒」的準備工夫亦早早展開，而埋門兩個大閘亦交由上季贏馬拍檔金誠剛主理，人馬合拍之餘，埋門大閘按實亦自動湧上，騎者重臨仍未開齋，今次返最強泥地，有牌面馬在手當然不會手軟。