囍眼光試準郁手 長風 26/09/2025 颱風「樺加沙」殺氣騰騰來港，馬會史無前例連排位也取消，其實頗為大膽。話說在廿多三十年前，曾發生過一次「尷尬癌」事件，當時又係颱風襲港，馬會提前一日取消賽事，誰不知颱風改變路線，本來賽馬的日子風和日麗，而馬會則被馬迷鬧爆，從此之後，馬會絕少在隔夜宣布取消賽事，而翻查資料，原來對上一次在賽前一日就取消賽事的，已經係「山竹」。 要知道，馬會要舉辦一次賽事，其實要用很多人力物力，最簡單一樣，就係兩個馬場的食物，賽日方宣布取消，當中自然會有浪費的情況出現。而賽馬日場內工作的員工，不少都係兼職，可能需要特別請假相就，但賽日宣布取消賽事，可能亦會造成不便。 當然，作為評馬人，貼士、稿件全部交齊，但最後唔跑，又係浪費了心機。 而今次颱風襲港，或許真係全城嚴陣以待，因此早在周日賽後就公布取消周三夜賽，排位紙賠率紙固然毋須印完浪費，而賽馬從業員亦樂得有個額外的空檔，而馬會亦毋須浪費人力物力及食物，這次的「超前部署」，絕對係三贏局面。 今次喜歡第4場跑泥地的「囍眼光」，上次全日大利放頭亦追得好，今次無論係正常泥還是濕泥，都係極有威脅的一駒。