康昌之星挺頸收斂 匡公 07/10/2025 八月十五是中秋，港島叮叮遊，陸客長假期，泛遊跑馬地，佳日免收費，電車順耳聞，處處煲冬瓜，標準普通話，廣東佬明㗎，盛讚有冷氣，繁花舊上海，都唔係嗰皮。假期到尾聲，周中啤酒園，騎師搏甩髀，阿拉等好戲，應總如聽懂，投注額周中，報喜不愁悲。「康昌之星」挺頸收斂，淡定十分。 「康昌之星」昨由霍宏聲親試淡定集中。 匯合大彩池，各方好朋友，收風就錢收，靠得住廖廐，泥地「昇瀧駒」，團體大灣區，獨贏44，21元收P，基哥嘖稱奇，搭通天地線，紙仔手機飛，你買佢又買，總之好世界。叔父中秋前，迎月冇行街，揸住份《東方》，周日功課刨，冠軍廖康銘，神仙接棒人，季初全力爭，巴度操「祝願」，喜見在昨晨，輕盈弗震，本季爭馬王，講吓都興奮。 9W掛頭牌，周中廖家軍，搏殺熾烈心，欄邊客望真，宏聲仔肉緊，6時15分，「康昌之星」探子來稟，掌門叫稍等，到場望切聞，呢課操3段，起步慢吞吞，馬會分段計，媒體只照登，快慢唔重要，貼欄沿途，挺頸收斂，淡定十分，9月3泥閘，走馬林扮「萌」，唔怕未熱身，下注請放心。 同批操有份，助手「渡月橋」，半哩代執勤，潘哥澳洲行，落腳富彈性，甚佳好觀感，9月24日取消賽，報名佢有份，9月兩綵排，鞍上潘冠軍，不假手於人，在30日嗰朝，走二疊留力，效果滿意甚，9駒走位5 4 2，上網睇睇冇呃人。谷草試大閘，上季有一勻，仍用潘冠軍，9駒排1檔，3 1 2走位，直路彎透出，旋點到即止，攻堅要預分，呢條是活魚。