開心三寶殺氣騰騰 匡公 11/10/2025 新月花園寒露後，過去兩日朝頭早，秋風微雨夾住有，微微水滴不濕手，街坊磨牙傾馬事，認為匡公多嘢知，八卦時聞嘴輪住，邊位掌門最隨和，有米街坊唔執輸，指出威哥呢方面，鏡頭掃到揸香檳。「開心三寶」放鬆得嚟腳法熟，頭圍感覺殺氣騰騰。 「開心三寶」埋門試谷草大閘後上掄元。 呂廐「勁進駒」贏出冠軍，潘哥發揮耳目新，攝位留放皆吸引，我係馬主冧到暈，事後江湖聽傳聞，開口索騎係某君，消息早知冇窮人。真真假假口水噴，唔經大腦不傷神，跑完再估心過癮，歡樂每日最要緊，禮拜回合吼呂廐，報檔阿姐想贏錢，熱辣唔啱姊胃口，匡公對象可代尋？難得好媽咁信任，欄邊吼實每朝早，公開分享冇私心。 初出王牌不常尋，兆文呢位好同事，晨操節目讚用心，周四晚上螢幕見，「開心三寶」暫評65分，嗰朝試跑威哥等，匆匆趕到潘冠軍，6時亮相泥跑道，放鬆得嚟腳法熟，眼利描述好同文，試閘印象我區分。9月3次大閘皆潘君，非一即二態滿意，頭圍感覺殺氣騰，來港之前贏1600，右轉適應不擔心，精明大戶錢跟貼，開心就係收彩金。 師兄澤堯坐騎熟，尺寸發揮也醒神，「紅海勁」傑作是最新，熟手坐騎數呢隻，「江南勇士」上季贏，頭圍10檔快活谷，柏廐高徒敵手仞，沙田添功用明綸，上名之役58分，威哥再召師兄何，9月27日朝替試閘，快跟前面欠後勁，判斷錯覺唔留神，走寶賽後咪氣呻！