神異金剛泥閘勁 匡公 28/10/2025 周三重陽節假放，新月花園較空蕩，茶餐廳老闆大娘，9時等車也北上，拜託報檔訂《東方》，周四回港估馬仔，匡公稿件要望望，立即多謝咁捧場，細問伴陪小毛孩，如何置處留香江？老闆大娘給答案，社區有些咖啡店，龍鳳拍檔好心腸，三五兩天代照顧，難怪生意日添旺。「神異金剛」泥閘快放留好印象，血統擅泥必擲投名狀。 「神異金剛」早前贏泥閘走勢有前有後。 毛孩產業歲月長，商機無限在蘊藏。老闆大娘喜捧葉楚航，「光明傳承」WP下注有微利，全泥夜戰呢個冠軍倉，有冇對象可以再分享？傾到呢度砵砵車到，立即奉上列示《東方》，愉快閃遊旅途平安。 皇曆雖然過咗霜降，秋天氣息傍晚早上，日短夜長星際茫茫，觀操3月吼葉楚航，呢個回合泥陣闖，首先推介「神異金剛」，66分上季敗3仗，9與10月泥閘望，巴度接手眼亮光，1050米泥閘快放，走位2 2 1排10檔，喜歡泥地留印象。埋門泥閘1200米，10駒3 2 4走位，直路收慢考眼光，父系血統查看，「豹子頭」擅泥佳駟同族，堅信周四班次降即擲投名狀。 葉廐還有第4場「競駿光輝」，上季原來65分殺攤食胡在第3仗，泥地1650米鍾易禮孭112磅排9檔。查實前季2024年60分甫班降，周俊樂師兄34倍9檔燒響炮仗。本季9及10月兩個回合，先後起用董明朗與鍾易禮，開氣敗北有乜傷肝？周師兄今勻回防3課主跳，動態實際再緊張，估馬仔，冇烏啄！