觀萬物力度十足 兆文 29/10/2025 由於大多數參戰馬均於周一已出跳，故昨朝僅得一匹參戰馬試跑。 「觀萬物」 「精算特殊」助手跳一段，扣住順走朝氣勃勃，馬身喼得相當壯，出腳輕巧有力。 「歐洲傳奇」 「飛雲」助手大圈踱步，外觀討好之外，身壯色潤，火力亦唔錯，論態處於上佳水準。「奮鬥心」助手大圈踱步，細馬身結實有肌肉，神態軒昂暗火湧現，弗到震。 「都靈福星」助手大圈踱步，平穩走過而已，灰馬身有啲肥，不過不失。 講番周一出試馬畀大家參考，「觀萬物」助手跳兩段，冇轉腳甚至有點愚魯，但力度十足，神態甚為對辦。 歐洲傳奇身色俱靚 「歐洲傳奇」班德禮跳兩段，晨操之星一貫試得好，身色俱靚步順有力。 「赤壁」田泰安跳兩段，比起過往無咁心急，開始學識留力，持續有進。 「五福星」田泰安跳兩段，慣例伸長頸，好肯走有火有力，單講狀態好銳利。「傑出漢子」副練跳兩段，神色無咁淡，外觀亦四正，久沉馬有轉機。 「極速之子」助手跳3段，一貫肯走步幅開揚，神態對辦饒具朝氣。 「東昇鉞」助手跳一段，細馬身紮實，火力好過之前，有進展。 「加州星馳」鍾易禮跳兩段，一直頭岳岳，力度卻唔錯，馬身好粗壯。 「德心知遇」助手跳兩段，墜手有活躍感，力度亦比前增強。「怡昌奇兵」副練跳一段，力度好過之前，毛色亦較前深潤咗，馬匹態況明顯正在冒升。 「南區旺」周俊樂跳兩段，沿內欄順走步伐穩健，力度不弱神色甚佳。 「競駿飛翔」助手跳一段，向來有點重口，大大隻身粗壯，步順力充裕。 「開心五月」助手跳兩段，輕描淡寫唔急唔搶，馬身喼得靚未見低落。