星辰千帥谷閘大幅進步 匡公 01/11/2025 街坊話，香江華洋節日多，一國兩制未度過，重陽眨眼過，萬聖節到咗，跑馬地食肆，應節搞裝飾，街舖唔算多，生意困難咗，可慳就要慳，熟客求真味，氣氛唔稀罕，明年勝今年，人生活下去，期待不亢卑。 報檔阿姐欣賞黃寶妮，知道周日谷草插令旗，阿妹求取勝利搏甩髀，匡公介紹對象可預備？6匹坐騎公布冇密秘，賽日版分享絕唔求其。 10月份看台功課，睇番每朝早日記，昆士蘭省奧爾民，坐騎一對滿心機，「幸運二十」10月8日晚外檔落敗，沿途走大外疊，皆因受「超強六十」並排搶走三疊頂死。10月29日例課戴頭罩綁埋脷，41分「同得威」拍跳未及59分廐友眼耀，子彈勇馬今回由夜轉日遞出師表，排位電腦抽籤幸運之神招手微笑，C欄移至3檔真係妙，搏殺用心渡鵲橋，廐主在場哈哈笑，上回揀蟀離香港，有得有失唔緊要。 賀賢陣營「星辰千帥」勸君更不可睇小，上季7月16日煞科之夜突如其來沿欄迎上食條Q，大熱門「一生好彩」發力在前中伏定感莫名其妙，後駒本季兩捷演出悅目誰不讚妙？可證賀賢武器應該好快有胡「口趙」；奧爾民3次大閘，一手一腳忙個不了，10月18日快活谷綵排1200米6 5 3走位，逐程加速，進步不小，周日求勝，應唱高調。