馬達試閘加速如箭 匡公 26/12/2025 看台眾友話，送舊迎新，香江歲月，賽馬玩意，令人精神，得失錢銀，幸與不幸，活人世間，笑到最後，完美終點，聖誕長期，頭搭尾天，可以9日，華洋共處，幸福小島，睇透冷暖。「馬達」從化草閘恢復勁追冇花假，直路望空，立即上前，加速如箭。 「馬達」剛周三排位朝快跳神態輕鬆。 馬會範圍，工作如常，精神步健，大廚小工，火雞應市，最近兩朝，經過廚部，鼻聞焦香，順眼看看，滿架美食，睇咗當食，阿Q精神。 叔父開聲咁問，究竟乜嘢原因，沙田過招布文，成績唔達一線，支持可有嘴扁？呢種個人迷思，答案埋藏永遠，講到近期旺門，負責指揮備戰，巫偉傑堪稱尊，上位匆匆數年，日積月累經驗，東尼外公波士，無私授予捕漁，勝過只送條魚，人生如肯奮鬥，思維必須詳周，送年一對勇馬，優先場敢上架。 頭場現時3歲「馬達」，元旦增壽前我吼，皆因從化草閘恢復勁追冇花假，時為12月15日朝早上，家俊師兄北上坐鞍肯做，4檔起步，出閘受阻，直路望空，立即上前，加速如箭。9月回想，建功1200米，工序賽前，相同場面，阿媽子嗣，贏至1500米，增歲之前，1400米功建，臉上貼金，爭氣主練。 還有「寶進」上季爭氣，1200米兩勝，6月尾胡，61分試閘賽前，田泥第一，絕塵而回，本季兩戰，綵排賽前，只係第4，正式過招，果然變矮。經過小休，12月1日，睇從化草閘，1200米排在5檔，埋欄順暢放，首名步闊壯，龍頭鳳尾場，保證打戰巷。