開心老闆更加放鬆 匡公 31/01/2026 讀者睇咗《東方》咁問，波斯灣見戰雲，航母艦名林肯，港駒征阿聯酋，安全是否穩陣？「昇瀧駒」報北風錦標，沙田周六開始，1月31日至2月6日朝，加埋「自強不息」哥倆征魂，備戰批准同行，安全應知穩陣。「開心老闆」從化草閘更放鬆，前途未可限量。 「開心老闆」埋門試從化草地大閘姿態從容。 新月花園立春之前，回南氣息感覺埋身。機坪探子匯報，游達榮見肉緊，亮相4時25分，戰駒分批出現，包括「魅力知願」、「紫荊傳令」加埋「開心老闆」，如果周日，順利除真，射箭穿雲，收穫笑冧，叔父耳順，《東方》馬版，打開查審，上述3駒，試閘最近，匡公閣下，可有過目，進度評審，工作責任，細訴拙見，分享諸君。 「魅力知願」第5場列陣，沙田跑過兩勻，走勢見改善，但1月16日，從化閘1000米，第9進展慢，「仁心星」族群，周日喼熱身，攻堅等一等。至於「開心老闆」第9場，次役打勝仗，返從化休養，1月16日朝，當地試草閘，1200米5 6 5，走位更放鬆，星級「驕陽明駒」族，加磅未升班，禮拜盛事日，添咗食至講，前途未限量，錯過再捧場，唔好眼淚汪，形容略誇張，供參考至上。 至於「紫荊傳令」第10場，1月20日早上，1600米田草大閘，周師兄代勞，8駒第2名，綁脷試用上，76分的牠，更勝80分「風將」，在港熱身場，未用麥道朗，450米兩度受阻擋，世一接帥印，應該在隔洋，求勝誠意分，使乜我打上？