凝妙星均速馬增程掂 匡公 04/02/2026 火炭東鐵站，讀者巧遇上，分享睇《東網》，心水排外檔，值唔值捧場？賽前估馬仔，度路數各想，勇馬配高手，未必怕外檔，尤其負輕磅，一旦有際遇，末段如飛殺上，坐騎演出方面，可能更加兇悍，去年2、3月份，谷草安排C+3，「金匯昇昇」莫雅10檔135磅，終點前越過「砂漿金剛」，「一起美麗」9檔，1800米135磅，末段透出，莫雅一晚，兩度揚威，今次C+3欄外檔馬未能完全睇低。 「凝妙星」季內連仗在一哩跑來有前有後。 第1場四班1200米，鄭家軍「八里旺」今晚移出11檔，帥印仍奉紀仁安，1月29日朝，沙田彈草閘我打量，兩段26秒內步添爽朗，63分自購馬身份，今晚除頭罩，海外未有相關「架生」，一戰一勝成功投名狀。 第4場四班1800米，希斯谷草成績，目前勝蔡約翰，「凝妙星」睇配搭優先場，潘哥帥印唔放手，沙田1600米在近仗，均速檻步跑法，今晚毅然路程增長跑1800米，仍然孭住130磅，怕乜嘢起步居於10檔，滿貫彎順路透出，冠軍高手好韁繩 ，且留且放替大成，中寶者嗌冇得頂，我也鼓勵拍掌聲。 爆得美麗泥閘後上勁 第9場三班1650米，「爆得美麗」12檔，坐鞍沿用田泰安，季內沙田初出1600米，唔好忽視跑第7名，一齊回顧上季戰，5月谷草跑咗兩仗，初出A欄烏啄啄，3周之後C+3欄，38倍力逼「銀進」串Q，人馬默契演出好好樣，賽前田泥閘1200米，後上強勁好吸引，呢回工序在1月尾，8駒走位7 7 5，力足加速上前，鏡頭睇咗，深信必「鍊」。