浪漫鬥士又靚又勁 匡公 11/05/2026 偷得浮生半日閒，上午溫度涼快㗎，新月花園近馬場，中央球場放眼量，人流周日稍減少，8時進入行重行，難得望見吳定強，頭髮留長身健鋼，退休生活確唔錯。「浪漫鬥士」泥閘後上勁，昨日晨課亦見靚，周中潘頓接手打硬仗，可把勝利滋味嘗。 「浪漫鬥士」昨晨快跳神態集中。 洗手時候遇街坊，銀髮朋友竟咁講，立夏5月5日後，泥草跑道真有趣，有冇關係多雨水？撳着手機賽果望，周三夜泥變鴛鴦，不平均乾濕情況，路段啜腳大利放，馬匹失準眼汪汪，周六沙田壓地前，也似逸園跑狗場，利放兼且側內檔，壓地之後下半場，靠追克敵移中央，潘哥布文經驗夠，尾胡孖寶值鼓掌。 周三返嚟快活谷，二不離三會怎樣？9日推窗跑道望，園藝工友頗大陣仗，十數之眾補地窿，8日回顧星期五，市區大閘草根鬆，挑燈回防快活谷，草皮肯定唔理想。 冠軍潘哥新任務，在港贏至2,000場，10W尚欠就達陣，會否搖鐘響噹噹？馬會未見公布住，5月完成非幻想，支持倉口多華洋，浪漫綵衣出馬王，「戰神」招手爭遮打，鉗形攻勢拍「浪勇」，潘哥邀騎找上門，馬主喜歡夠誠意。周中合作快活谷，「浪漫鬥士」打硬仗，最近4月15日晚上，體重跌破1000磅，嗰晚A欄守好位，威森串Q唔失禮，頂住隻「穿甲金鷹」。潘哥接手泥閘見，5月5日星期二，濕泥固守內跑道，早段文靜後上勁，終點柱後嘅場景，值得列示優先場。