肯佩斯狀態又回起 匡公 06/06/2026 年資唔少評馬人，歡迎讀者事事問，識答與否，唔扮代表，下情上達，渠道反映，盡我本能，6月黃昏，暑熱惱人，下午方開賽，算係得民心。今勻列陣尾場「肯佩斯」，季內5勻配艾兆禮，食胡兼串Q，合拍唔使審，近仗獲殿軍，狀態與體能，又再見回起，誓再點火藥引。 「肯佩斯」季內1冠1亞全配艾兆禮甚合拍。 港鐵火炭遇上，《東方》鐵粉，便利店裏，購報一份，各自打開，企幾分鐘，降溫涼陣，話匣打開，呢位鐵粉，細聲發問，消息聽聞，9月6日，又話開鑼，強厄爾尼諾，恐極端高溫，9月跑黃昏，唔知上大人，民情諗唔諗？ 馬匹也血肉，孭重磅出汗，辛苦唔使問，相對磅偏輕，搏殺求達陣，洋倉有高人，銀髮賀賢君，從不爭冠軍，享受港生活，雪茄伴紅酒，希斯兩知心，黃昏首回合，去年放暗箭，16倍「實力派」，尾場配洋將，16倍季軍，負磅117，樂見有誠心，還看鬥今勻。兆禮「肯佩斯」，人馬見合作，季內有5勻，食胡串Q後，第5名程增，3趟收獎金，合拍唔使審，之後敗兩次，5月17日，地黏1400米，奧爾民殿軍，狀態與體能，又再見回起，黃昏再鋒爭，點着火藥引，信不信由你，WP各10蚊，估中我開心。 季內求冠軍，勝利皆擦身，「飛來閃耀」季初時分，兩趟11檔，直路賽攻拚，取得亞季軍，條件見得人，配巴度洋人。呢勻負113，女徒黃寶妮，對上兩次叫陣，賽前欠大閘亦啱第3名，到5月28朝，沙田泥大閘，直路自動湧，催谷不賣弄，誓師再堅攻。