文明戰士潘頓好肉緊 匡公 13/06/2026 好奇街坊又咁問，本季周六戰黃昏，次數比對多幾勻，身邊老友問原因，幫傭姐姐話冇癮，周六觀賽難抽身，一點娛樂減壓力，其實唔少香港人，只能道說江湖聞，應總體貼量寛宏，周六黃昏跑咗先，家庭團聚馬主群，提出要求當順意，進場人數看今勻，保持萬六算稱心。這個回合騎師王，潘哥坐騎奮力爭，提早買番10蚊唔好慳。 「文明戰士」（左）前仗泥地1200米後上追入亞軍。 第2場五班1200米草地，C+3欄黃昏賽，上季看6月14日，頭馬短途前置馬，偏差跑法優勢大，「文武全能」3月1400米第2名，8 3 3 2中段快，42分能力見，5月9日戰最近，好黏跑道追第5名，草地彈閘悄肉緊，小潘嗰朝搶出快，「幸福特約」52分後面跟，求勝意識強勢臨。 第3場四班1400米草地，潘哥騎師爭王求勝仗，要靠游達榮「馬上盈」，3月至今鬥同程，5檔起步俱快跟，可惜連番只亞軍，未曾操過接帥印，騎練合作看數據，成績交出多歡欣，狀態管見喼甲等，鐵粉捧場有信心。 第5場四班1200米泥地，「文明戰士」今次唔用布文，潘哥連續4朝主課，動態何其肉緊，最後試跑星期四，神閒氣定壯碩身，5月6日鬥日泥，搶口收慢論盡甚，兩度窘境仍後上追入亞軍，今晚求贏唔使審。 第10場三班1600米草地，「量子力奇」潘哥今次第3回合掌帥印，路程10級每次增，血統上下看兩線，騎練共識一定能，5月26日朝草閘，1600米沙田早段慢，後上如飛第2名，啱晒我心水，掌門爭冠求達陣。