友愛心得喼住弗到震 匡公 01/04/2025 街坊話，港島電車，周一擠迫，波斯富街、時代廣場，人流多極，七人欖球，在港舉行，遊客眾多，進場朋友，11萬人，灣仔叮叮，返回蝸居，乘坐有份，日本遊客，站頭問路，男女青春，香江再臨，玩樂興奮。「友愛心得」從化草閘拋開「舉步生風」，狀態喼住弗到震！ 「友愛心得」從化草閘拋開「舉步生風」輕勝。 跑馬地埋站，3位中國人，衣着似東盟，向我也路問，如何上中環，敬答咁咁咁，父女加母親，大家黃皮膚，順介星期三，啤酒園，馬照跑，歡迎蒞臨。 華廈保安兄，站立輕聲問，希斯短途王，質素真係堅，買咗等收錢，冠軍爭奪戰，《東方》勇馬篇，呢期會捧場，晨操角度睇，有冇兩三件，機會流定堅，讀者如老闆，而且咁信任，周二優先場，推介為君行。 希威森復出，晨操早幾朝，唔多見現身，停賽去散心，返嚟搵獎金，亦都好應份，亮相在昨晨，6時30分，「中華英雄」直路400米，出腳順暢穩，應該也搏梗。講試閘吸引，「猛將兄」印象深，要推3月24日之晨，明綸北上從化代勞甘心，最後300米，追撲甚兇狠，上仗3月5日晚，谷戰列陣，賽前工序邊有咁精神？必撼「獵寶勤」，希斯擒蔡神，收錢我開心。 班德禮昨晨唔見人，頭赤赤戀床瞓多陣，季尾快臨唔算過分，周中搏殺，希斯營陣，會預番份凱歌再哼，「友愛心得」也由明綸3月24日從化試草閘，拋開禮拜添勝「舉步生風」，喼住弗到震！