焦點搶走急勁有火 兆文 14/01/2026 昨朝有兩匹柏廐參戰馬大圈加課出試，「棒棒糖」黃智弘踱一圈，不單止身光頸靚，而且墜手火氣極佳，正值勇境；「鈦易搵」愈見內斂唔起眼，馬身喼得壯，論態仍然保持。以下是心水推介。 第1場「焦點」暑期回夠氣今季重新振作，前仗谷草1200米後上輕勝固然精彩，上仗慢步速劣勢追回第4名，表現亦好， 7歲老馬刻意儲火，抖1個月跳3課已足夠，最重要係課課搶走急勁，火氣充裕，觀感不遜贏馬時候。 第3場「寶成智好」上仗初出差點贏馬，若非衝刺持續外閃已經得手，本身締速快過當晚另外兩場四班頭馬「鈁糖武士」及「佳運發」，呢席亞軍水準極高。「寶成智好」復課持續操得乃好現象，目前走規尚有改善空間，但排1檔出錯機會大大減少，有力出頭。 第8場「至尊瑰寶」上仗大幅度增程之餘，仲要搶前遇快步速跟急，更弊係無啦啦初戴從未用過嘅頭罩，可錯嘅地方都錯盡了，敗不作準。「至尊瑰寶」今仗跑番3捷首本路程谷草1200米，同時還原基本步，除頭罩並回配最佳拍檔梁家俊，贏馬補中冇問題。