聖迪達部署遠征杜拜 05/07/2010 馬偉昌前排觸傷左邊膊頭舊患，需接受手術治療，差不多缺陣成個月。上月尾啱啱復出嘅佢，昨日沙田賽事成功取得傷愈後嘅首W，喺第九場幫同鄉霍利時嘅「聖迪達」贏馬，實在可喜可賀。 聖迪達 「聖迪達」馬主許晉義本身亦經營育馬事業，對賽馬好有研究。隻馬今季轉跑泥地，其實亦係佢向霍利時建議，如今喺泥地五戰兩冠兩亞一季咁好成績，佢有信心呢隻馬下季會扶搖直上，假如評分足夠，佢希望可以嘗試遠征杜拜，等呢隻雄馬鯉躍龍門，聲價十倍。 馬主許晉義（右）希望聖迪達下季可以為港爭光。