轉谷草破釜沉舟 彭遠慶望順頭順路 11/03/2015 資深馬主彭遠慶名下一代馬王「原居民」膾炙人口，雖然近年養馬運平平，但無減對賽馬嘅熱誠，今晚出爭頭場「順頭順路」到港後跑過11場仍未取得上名成績，馬主彭表示轉回快活谷出戰，希望可刺激愛駒競賽意欲。 彭遠慶 彭遠慶說：「『順頭順路』暫時出賽11次，最近一場只曾喺沙田1400米跑入一次殿軍。其實本身來港初期表現唔錯，頭兩次上陣均獲獎金，可惜上年2月喺一場賽事中氣管大量出血，導致其後休養咗三個月，豈料匹馬復出之後一直跑唔番水準，並且評分不斷下降，目前已跌到落五班。今次葉楚航安排『順頭順路』轉谷草出擊，本着終極一戰心態，若然表現再無起色，好大機會選擇退役，希望今次轉場可帶來新鮮感，助馬匹反彈。」 順頭順路