梁家俊最愛是李 賴嘉怡 14/07/2016 好多港男二、三十歲可能都仲未有人生目標，買車？買樓？年入過球？娶個靚老婆？恐怕只係發夢……冇咁早。不過，27歲的梁家俊（Derek）已把上述目標逐一完成，馬季煞科隨即「封盤」，跟靚女評馬人李潔瑩（阿Kit）拉埋天窗，等小記帶大家一同直擊這對金童玉女的世紀婚禮！ 祝福梁家俊同阿Kit新婚快樂！ 這件馬壇喜事，不少圈中人均為座上客，多位練馬師出席，包括葉楚航、徐雨石、文家良、沈集成等。兄弟團方面陣容鼎盛，包括一班師兄弟蔡明紹、楊明綸、蘇狄雄、何澤堯、吳嘉晉等，以及梁家俊細佬梁家偉；姊妹團亦經過新娘子精心挑選，馬會節目《綠茵闖蕩》主持人車車及妹頭盧頌恩，「大進」馬主女兒琪琪，還有蔡明紹太太Christine等，個個都係靚女。 交換婚戒 由於新郎哥忙於為事業搏殺，籌備婚禮事宜差不多全由阿Kit負責，雖然公私兩忙，但Derek的呵護備至，加上愛的宣言，阿Kit已經冧爆，難怪這位新任梁太席間放閃大讚老公非常成熟、溫柔顧家、負責任又有交帶等，優點數之不盡。 情深一吻 大讚阿Kit內外兼備 簽一紙婚書過程，只是短短幾分鐘，但經營一段婚姻，卻是一生一世。Derek坦言希望可以畀太太更舒適的生活，佢亦講得出做得到，上年在馬鞍山購入新居作為二人的愛巢，單單首期已花上500萬元。搵得來、使得去，梁家俊剛季贏得超過3,600萬元總獎金，個人穩袋約300萬元，創個人新高之餘，亦是最高收入華將。各位姊妹聽到都好葡萄阿Kit可以搵到這個絕世好老公！ 姊妹及兄弟團陣容鼎盛 不過，維繫一段婚姻要靠雙方面一齊付出，俊仔亦大讚阿Kit又靚又有內涵，絕對是一位賢內助，最重要是能夠搵到一位跟自己有共同興趣的終身伴侶，笑言自己才是「執到寶」！ 共諧連理