奔馳寶馬收唔住掣 番茄仔 26/03/2017 曾經邀請過明星徐子珊入馬場打氣的馬主梁浩然律師夫婦，目前有份養有三匹團體馬「金筷子」、「金飯碗」以及今日第二場「奔馳寶馬」。「奔馳寶馬」剛戰把握落班及好檔之利，在莫雷拉胯下取得在港第九次上陣的首場頭馬。 梁浩然（左）睇好愛駒「奔馳寶馬」可打疊贏。 上仗開齋有回報 其實「奔馳寶馬」上季曾經因為肺部組織受創，斷斷續續休養一段頗長時間，不過梁律師話養馬需要耐性，所以畀足時間蘇保羅將馬匹重新養好，佢同一班團體成員嘅耐心等待終於有回報，大家都非常之興奮。梁浩然話最重要係「奔馳寶馬」目前健康正常，並開始踏上軌道，睇好可以好似佢另一匹團體馬「金飯碗」咁，一贏就打孖嚟。