做完豪客搵獎金Hugo磨利劍 番茄仔 12/04/2017 「劍」系馬主許坤華（洋名Hugo），早前在香港國際馬匹拍賣會以超低價20萬港元為太太葉思貝投得一匹拍賣馬（已改名為「劍二十」），但轉過頭上周前往澳洲悉尼殷利殊復活節拍賣會就變身大豪客，與楊毅、包大偉、張顯信、凌志昌以及大摩等一共八人，合資170萬澳元，連埋佣金花費逾千萬港元，購入一匹周歲馬。另外，葉思貝與一班愛馬女士協會成員胡佩君、徐藝載、莫嘉怡、區結玲及莊幸怡，就透過大摩兒子以57萬5千澳元（約330萬港元）亦投得一匹周歲馬，準備引入香港出賽。 許坤華上周在澳洲悉尼殷利殊復活節拍賣會，聯同大摩及其他馬主合資逾千萬元買馬。 劍凌雲五班有着數 去完澳洲做大豪客，當然要搵番啲獎金幫補吓。今晚快活谷賽事，「劍」系其中一匹仲未開齋嘅「劍凌雲」，將出戰第一場五班1000米。呢匹馬早幾個月因被驗出氣管內有大量血液而一直休戰至今，期間更由賀賢轉投蘇保羅馬房。今戰轉倉初出，Hugo話「劍凌雲」雖然至今未曾上名，但曾多次跑得接近，落到五班有着數，目前健康回復正常，可贏馬反彈。