安荃 羅富全Friend過夾Ben 01/10/2017 在港養馬多年嘅「安」系大馬主王忠秣（Ben Wong），近年除咗主力與蔡約翰合作，亦對新倉主非常支持，上個禮拜為澳洲練馬師麥菲文攞到在港首W嘅「安喜」，馬主就係Ben Wong。 羅富全（前） 此外，王忠秣亦將旗下嘅「安荃」交畀另一位新練馬師羅富全訓練，全哥之前做過蔡廐副練，二人固然早已認識，Ben Wong更講過早喺全哥做緊騎師嘅時候，曾替「安」系馬效力，難怪依家正式開倉，佢梗係要支持吓呢位老朋友啦！ 王忠秣（Ben） 羅富全騎過「安」系馬 雖然「安荃」在港已征戰三季，六歲英國馬未必會繼續進步，但上季尾降至三班後近兩仗都跑第四名，證明評分回復競爭力。既然係蔡廐前副練，羅富全當然對「安荃」嘅性能瞭如指掌，賽前刻意安排呢匹大長途馬試兩課閘，先至出戰今日三班田草1800米，部署肯定唔係玩玩吓。話晒麥菲文已經率先幫Ben Wong建功，今季田草例贏嘅全哥又點可以執輸？睇吓Ben Wong能否連續兩期日賽都靠新倉主拉頭馬。 「安荃」