上年國際賽日食頭胡醒目再臨瀛多次 08/12/2019 唔知大家記唔記得舊年嘅香港國際賽日，東瀛兵團大舉出擊，可惜全部輸晒，反而有喺香港養馬嘅日籍馬主大川徹名下嘅「醒目再臨」就喺日本好手岩田康誠胯下爆出22倍冷門先拔頭籌，真係估佢唔到。 「醒目再臨」上年國際賽日由岩田康誠先拔頭籌。 嚟到今日香港國際賽，日本隊嘅陣容就算冇咗馬后「杏目」，依然非常強勁，睇嚟今次真係唔贏唔罷休，而大川徹似乎想重溫好夢，再次喺呢個大日子上陣，即使今年冇咗岩田康誠，亦決定搵日本冠軍騎師李慕華執韁，睇嚟又想幫日本隊壯聲勢。 蘇偉賢 馬主大川徹 事實上，「醒目再臨」真係校啱時間，季初喺三班輸足三場後，依家減到58分可以落到四班，立即跑番上季贏過嘅四班1400米。當然最巧合嘅係上季呢隻馬抽14檔贏馬，今次竟然抽同一檔位，莫非天註定大川徹再食頭胡？