3個佐治仔的故事 06/02/2021 方嘉柏呢期有匹初出PP「佐治勇駒」，身為馬主之一嘅李嘉俊，近年都係以家族「綠色」主題為馬匹改名，不過今次同兩位知己好友合夥養馬，就用「佐治」行頭，究竟係咩意思呢？睇番3位馬主嘅英文名，都冇人叫「佐治」，不過改得呢個名，梗係有紀念性，事關3位想當年，一齊喺加拿大聖佐治書院求學，係名副其實嘅「佐治」仔，大家相識於微時，到依家投身社會，依然喼住呢分友情，仲要有埋賽馬呢個共同情趣，真係好難得。 「佐治勇駒」上月試谷閘時馬主及練馬師極緊張。 3位同學仔去年入紙成功中籤，當中李嘉俊同鄭加文，早已係馬主身份，李嘉俊貴為「綠色」系星二代，而鄭加文今季同朋友合夥嘅ISG「風流人物」，更係一出即勝，養馬運不俗，只有蔡敬業首次做馬主。不過有兩位經驗豐富兄弟幫拍住上，3位對愛駒當然抱有憧憬。 李嘉俊（左）、鄭加文（右）