除咗黃寶妮袁幸堯 再有女學員林霖試閘 20/10/2021 昨晨沙田馬場舉行13組試閘，部分見習學員都會參與，吸收經驗，試夠後就等待出發海外受訓，他日隨時成為騎師。現時就有黃寶妮、袁幸堯，佢哋由去年開始多次參與試閘，可惜因疫情同埋簽證關係未能成行，不過早前亦有好消息指馬會已經同南澳洲馬會方面有聯繫，相信喺短期內就有新一批學員前往當地受訓。昨朝除咗繼續有袁幸堯幫手試咗5組閘之外，亦有新嘅女見習學員林霖首次登場。 女見習學員林霖為賀廐「威威高星」 綵排。 今次係林霖首次參與試閘，她只為賀賢馬房「威威高星」出試第4組1000米草閘，此駒出閘順利，沿欄走外疊，最終以第8名過終點。而在第2組閘進行前，姚本輝馬房的「御金寶」走甩，拋下見習學員袁幸堯，幸好她無礙，其後能繼續試閘。 昨晨試閘最矚目當然係馬王「金鎗六十」，月初出試了1000米草閘輕鬆掄元，昨晨出試第10組1200米沙田泥閘，結果又輕鬆勝出。「金鎗六十」將在11月尾作季內復出首戰，出爭二級賽馬會一哩錦標。 12月29日補賽編全泥夜宴 另外，原定於10月13日星期三舉行的跑馬地賽事因受颱風影響而取消，現已安排於12月29日星期三晚在沙田泥地舉行補賽。而原定於12月27日星期一舉行的3場泥地已改於12月29日舉行，而12月27日舉行的三、四、五班1400米賽事現各設兩組，而該賽日將維持舉行10場賽事。