傲龍駒等到春天 02/03/2022 今晚派出「傲龍駒」及「騰龍駒」分途出擊嘅莊文煜醫生，兩匹愛駒今季暫時跑咗10場，則取得4冠3亞1季兼且未甩過前5名，夾埋一共攞咗逾300萬獎金，成績非常好。 「傲龍駒」季內已在五班取得兩捷。 講起莊文煜醫生，佢其實係醫療機構嘅行政總裁，仲成為首屆「大灣區企業同創大獎」的其中一間得獎企業。 既然本身係醫生，作為馬主嘅莊文煜亦願意畀練馬師時間令旗下愛駒慢慢康復，好似「傲龍駒」曾經試過喺X光檢查發現一對膝部明顯變異，又試過右前腿懸韌帶受傷，但莊醫生無放棄，抖夠咗一年幾先等到今季復出，結果4戰2冠1亞1季，難怪容天鵬都多次指出感激莊醫生嘅耐性，如今終於有回報，亦相信「傲龍駒」仲有得贏，所以今次再配潘頓有權連捷。 騰龍駒唔蝕底 至於同晚出擊嘅「騰龍駒」，剛戰升上三班仍得亞軍，證明目前評分不太吃虧，睇吓能否助莊醫生執多場？