袁幸堯南澳開齋兼起孖 14/03/2022 香港馬會女見習學員袁幸堯，已於去年尾啟程前往澳洲訓練，並以南澳作為主要基地，更於上月尾開始上陣。 袁幸堯 估唔到唔使一個月，袁幸堯漸漸適應當地賽事模式，昨日更於澳洲嘅Clare馬場憑佐利及佐倩桃訓練嘅3歲馬Mr Metrics取得首場頭馬。然後到第5場，袁幸堯夥拍同樣出自佐利及佐倩桃馬房嘅8歲老馬Korodon再添進帳，並與另一位香港見習學員黃智弘，構成一條「港產Q」。