六爺贏300W啱啱好 03/04/2022 啱啱禮拜三沙田全泥賽，羅富全靠升班嘅「萬眾力得」食尾胡，而佢師傅蔡約翰就連續兩期食白果，依家全哥只係落後蔡神仙2W，相信今季冠軍練馬師肯定有排鬥。至於今日沙田10場賽事，羅廐即使有「黃金甲」、「天驥」同埋「包剪揼」3匹正選因為仲喺從化而退出，但仲有8駒參戰，無礙爭取好成績，仲有機會攞到從練第300場頭馬。 莫雷拉 剛剛「萬眾力得」係羅富全在港第298W，今日全哥只需起孖就能邁向300W新里程。以羅廐今日陣容，機會當然唔細，好似第3場先有「啱啱好」、「超勁勇士」雙龍出海，前駒剛戰升上三班未能3連捷，但只係輸畀超班馬「喜旺駒」同埋再出補中嘅「極速飛彈」得季軍，今次強手遠去兼有潘頓幫手，補中唔奇。而喺第5場初次上陣嘅「識贏」，來港後3課試閘都係由莫雷拉操刀，每課走勢都相當吸引，難怪初出即由雷神策騎，機會可想而知。既然有潘頓、雷神兩大高手助陣，全哥爭300W難度唔大。 潘頓