力撐華將 合夥博起孖 27/04/2022 名下愛駒一律以「合夥」命名嘅劉軾瑄先生，近年喺馬圈都算相當活躍，名下已經有「合夥年代」、「合夥雄心」同埋今晚出戰第5場嘅「合夥贛勁」，至於於8場「合夥芙蓉」，雖然劉生並唔係馬主芙蓉之友團體成員，但佢爸爸劉揚生卻係會員之一，都算息息相關，今次安排同晚上陣，有心大舉出擊。 「合夥贛勁」上仗由蔡明紹勝出谷草1200米。 講起「合夥」系賽駒，劉軾瑄一向相當支持華將，「合夥年代」、「合夥雄心」今季曾由何澤堯建功，而「合夥贛勁」剛戰由蔡明紹爆出11倍半冷W，而喺今晚谷戰，「合夥贛勁」續配蔡明紹，而「合夥芙蓉」則起用何澤堯，睇嚟對於今季「告東尼獎」之爭，「合夥」系隨時成為關鍵，依家蔡明紹只領先一場，今次騎「合夥贛勁」，再攻谷草1200米自然不容有失；而「合夥芙蓉」上仗谷草一哩得第3名，今次負磅唔重，睇吓「合夥」系能否靠兩大華將起孖？ 蔡明紹